Сатаҕай нэһилиэгин Д.Г.Готовцева аатынан оҕону сайыннарар киин төрдүс төгүлүн улуустааҕы “Оҕо уонна тыйаатыр” диэн күрэҕи ыытта. Күрэх оҕо дьоҕурун, ситимнээх саҥатын остуоруйа нөҥүө сайыннарарга сыал-сорук туруорунан тэриллэр.
Бу күрэххэ улууспут уһуйааннара бэрт көхтөөхтүк кытталлар. Быйылгы күрэххэ 13 уһуйаан иитиллээччилэрэ орто уонна улахан бөлөхтөргө арахсан, уопсайа 26 остуоруйаны көрдөрдүлэр. Бэлиэтээн эттэххэ сылтан сыл аайы музыкальнай доҕуһуоллара, декорациялара, оруолларыгар сөп түбэһэр көстүүмнэрэ, остуоруйаны туруоруу сценарийа тупсан иһэр. Ыраастык саҥаран, остуоруйа ис хоһоонун итэҕэллээхтик кэпсээн тиэрдэр кэпсээнньит оҕолор элбээн иһэллэрэ киһини үөрдэр.
Дьүүллүүр сүбэ быһаарыытынан улахан бөлөххө Кылаан кыайыылаах үрдүк аатын Покровкатааҕы «Солнышко» уһуйаана «Мороз Иванович» остуоруйатынан ылла. 1-кы миэстэ Соморсуннааҕы «Чэчир” уһуйаан «Морозко”, 2-с миэстэ Алтаннааҕы “Кэскил”, 3-с миэстэ Амматааҕы «Сардаана» уһуйаан “Муха-Цохотуха” уонна эмиэ Амма нэһилиэгин “Кэнчээри” уһуйаан «Кот Котофеевич» туруорууларынан буоллулар. Орто бөлөххө Кылаан кыайыылаах үрдүк аатын Бөтүҥнээҕи “Мичээр оҕо сайдар киинэ «Саһыл уонна бөрө» остуоруйаны көрдөрөн ситистэ. 1-кы миэстэни Амматааҕы «Кэнчээри» ОСК “Куобах дьиэтэ”, 2-с миэстэ Амматааҕы «Радуга» ОСК «Кошкин дом», 3-с миэстэ Эмистээҕи «Чуораанчык» уһуйаан «Куобах дьиэтэ» уонна Чакырдааҕы «Ньургуһун» уһуйаан «Дьиэ-дьиэчээн» остуоруйаларынан ыллылар.
Маны сэргэ анал ааттар иҥэриннилэр. Ол курдук “Бастыҥ актерскай оруол” — Степанова Аэлитас (Бөтүҥнээҕи “Мичээр ОСК), Никифорова Тая (Амматааҕы«Хатынчаана» уһуйаан), «Бастыҥ остуоруйаһыт» — Гурьев Богдан (Бөтүҥнээҕи “Мичээр ОСК), Аржаков Айнар (Амматааҕы«Хатынчаана» уһуйаан), Филиппова Нарыйаана (Болугурдааҕы “Колосок” уһуйаан), Янина Шамшиева (Амматааҕы«Хатынчаана» уһуйаан), “Бастыҥ эриэккэс туруоруу”- «Мичээр» бэлэмнэнии бөлөҕө (Амматааҕы «Сардаана» уһуйаан), «Бастыҥ уус уран тыл» — Соловьева Алена (Эмистээҕи «Чуораанчык» уһуйаан), «Бастыҥ актерскай ансаамбыл”- Өнньүөстээҕи “Дуораанчык” уһуйаан “Хаастар” туруоруунан, «Бастыҥ муусукунан киэргэтии” — «Чуораанчык» бэлэмнэнии бөлөҕө (Амматааҕы«Хатынчаана» уһуйаан), «Бастыҥ декорация» — Чакырдааҕы «Ньургуһун» уһуйаантан улахан бэлэмнэнии бөлөҕө «Гуси-лебеди» остуоруйанан, «Бастыҥ сценичэскэй көстүүм» — Амматааҕы«Хатынчаана» уһуйаан «Кораблик» комбинированнай бөлөҕө, “Лиса, заяц и петух”, Покровкатааҕы «Солнышко» уһуйаантан орто бөлөх, «Рукавичка», «Бастыҥ сценарий» — Бөтүҥнээҕи “Мичээр” ОСК, бэлэмнэнии бөлөҕө, “Куобах дьиэтэ” остуоруйаларынан ыллылар. Ситиһиилээхтик кыттыбыттарын иһин 9 уһуйаан сэртипикээтинэн наҕараадаланнылар.
Кыттыбыт уһуйааннарга дириҥ махталбытын тиэрдэбит уонна кэлэр сылга улууспут уһуйааннара бары кыттыахтара диэн эрэнэбит.
Анна ИЛЬИНА