Сатаҕайдааҕы Д. Г. Готовцева аатынан оҕо сайдар киинин төрүттэммитэ 60 сылыгар анаммыт «Эркээйи эргиирэ бырагырааманы олоххо киллэрии уопута» диэн семинар буолан ааста.
“Семинары Дария Гаврильевна Готовцева аатынан оҕо сайдар киинин иитээччилэрэ «Эркээйи эргиирэ» бырагыраама чэрчитинэн «Төрөөбүт төрүт түөлбэм» барылы тобулан, олоххо киллэрэр үлэлэлэрин кэпсээтилэр, уопуттарын үллэһиннилэр. Бу барыл иһигэр сонун «Түөлбэм устун» орто, улахан, бэлэмнэнии бөлөх оҕолоругар виртуальнай экскурсияны, «Төрөөбүт түөлбэм» лэпбугу, кыра бөлөх оҕолоругар «Мин тиэргэним» бэйэ илиитинэн оҥоһуллубут бизиборд — оонньууну, «Сахалыы музыкальнай инструменнары дьарыкка туһаныы» уопуту, «Булчут ыырынан» квест — оонньууну педмастерскойга уһуйаан иитээччилэрэ билиһиннэрдилэр.
Манна кыттыбыт улуус иитээччилэрэ эмиэ уопут атастаһан, саҥаны — сонуну билэн сэргээн бардылар. Интэриэһинэй ис хоһоонноох семинары 15 уһуйаантан 25 педагог кэлэн иһиттэ. Санаа атастаһыыта Синквейн методын туттан ыытыллыбыта улахан сэҥээриини ылла. Семинар кыттыылаахтара билиилэрин хаҥатан, сэмэй бэлэх тутан үөрэ-көтө тарҕастылар”, — диэн Амма улууһун үөрэҕин салаатын сүрүн исписэлииһэ Эмма Давыдова сырдатта.
“Амма олоҕо” хаһыат