Саҥа Дьыл кэрэ киэһэтигэр Х.Максимов аатынан култуура уонна сынньалаҥ киинэ көрөөччүлэригэр бэртээхэй бэлэх оҥордо.
Сулҕаччытааҕы култуура киинэ киэн туттар биир дойдулаахпыт, СӨ норуот хаһаайыстыбатын үтүөлээх үлэһитэ, Саха народнай суруйааччыта, драматург Амма, Үөһээ Бүлүү, Томпо улуустарын бочуоттаах олохтооҕо Дмитрий Наумов — Миитэрэй Наумов “Дьүкээбил уонна Кустук Куо” – Саҥа дьыл түүнүнээҕи хотугу остуоруйа испэктээкилин ситиһиилээхтик туруорда. Испэктээкил артыыстарынан олохтоох оскуола үөрэнээччилэрэ, уһун өрөбүллэргэ сынньана кэлбит устудьуоннар уонна култуура киинин иһинэн үлэлиир драмкуруһуок кыттыылаахтара буоллулар.
Кылаабынай дьоруойдары оскуола оҕолоро Сайыына уонна Ньургун, оруолларын толордулар Амгаяна Максимова уонна Дениэль Матвеев, Ый эмээхсин – Екатерина Рязанская, Үрүҥ Күн – Антонина Неустроева, киэҥ куйаар баһылыга Бириэмэ Хотун – Венера Данилова, Хаар Эбэ – Сардана Христофорова, Көмүс муос мааны таба – Лириана Ксенофонтова, Сур бөрө – Матвей Фомин, Сур бөрө доҕотторо – Сандал Романов, Лука Данилов, Кустук Куо – Даяна Максимова, Дьүкээбил уол – Юлиан Матвеев, Кустук дьүөгэлэрэ – Василина Носова, Ангелина Варламова, Яна Ефремова, Дьүкээбил доҕотторо – Арсений Еремеев, Виталий Носов, Ярик Стручков, Бириэмэ Хотун чаҕар буойуттара –Валерий Кульбертинов, Радислав Стручков, Станислав Степанов, Тымныы оҕонньор – Павел Неустроев, Хаарчаана – Мичийэ Матвеева толордулар. Ону сэргэ “Күөгэйэ” үҥкүү ансаамбыла кытынна. Музыкальнай испэктээкил үҥкүүлэрин Мария Иванова туруорда, ырыалары Мичийэ Матвеева бэлэмнээтэ. Уоту-күөһү, тыаһы-ууһу, экраҥҥа көстүүнү Платон Пудов, Илья Данилов оҥордулар. Көстүүмнэри Евдокия Данилова, Антонина Неустроева, Сардана Ушканова бэлэмнээтилэр. Туруорааччы – Жанна Максимова.
Уота-күөһэ, тыаһа-ууһа, таҥаһа-саба барыта табыллыбыт испэктээкилтэн көрөөччүлэр улаханнык сэргэхсийэн уонна үөрэн-көтөн тарҕастылар.
Елена ПОПОВА.