Үөрэнээччилэр бастакы үөрэх чиэппэрин кэнниттэн сынньалаҥнарын туһалаахтык атаараллар. Н.Е. Иванов аатынан Бөтүҥ орто оскуолатын үөрэнээччилэрэ бэрт сэргэх тэрээһиннэргэ сырыттылар, элбэҕи биллилэр, элбэх доҕоттордоннулар.
Ол курдук О.П.Иванова-Сидоркевич аатынан Амматааҕы айар сайдыы киинигэр, «Амма кэскилэ» оҕо уопсастыбаннай түмсүүтэ улуус көхтөөх оҕолоругар Коммунарскай сбор тэрийдэ. Манна Н.Е.Иванов аатынан Бөтүҥ орто оскуолатын бэйэни салайыныы түмсүүтүн оҕолоро эмиэ кыттыыны ыллыбыт. Тэрээһиммит бастакы чааһыгар билсиһииттэн саҕаламмыта. Эрдэ бэлэмнээбит эҕэрдэ үҥкүүбүтүн көрдөрдүбүт, онтон хамаандаҕа арахсан баран тохтобулларынан сорудахтары толордубут. Салгыы уоттаах-күөстээх, оонньуулаах үҥкүү-битии буолла, бириэмэ олус түргэнник бүппүтүн өйдөөбөккө хааллыбыт. Оҕолор бары үөрэ-көтө оонньоон, сэргэхсийэн, элбэҕи, саҥаны көрөн-истэн кэллибит.
Итини сэргэ биһиги Мээндиги сынньалаҥ киинигэр «Ночь в клубе» диэн ааттаах сыллата ыытыллар тэрээһиҥҥэ үһүс төгүлүн тиийэн кытынныбыт. Тэрээһиҥҥэ Бөтүҥтэн үс, Мээндигиттэн икки, Соморсунтан икки уонна Сэргэ-Бэстэн биир хамаанда тэриллэн көрүстүбүт. Хамаандаларынан бэйэни билиһиннэриигэ, үҥкүүгэ, биктэриинэҕэ, минньигэс астаах бүлүүдэҕэ, көстүүмҥэ, быстах киинэ устуутугар күрэхтэстибит. Ордубут бириэмэҕэ квест оонньоотубут уонна уоттаах-күөстээх дискотека буолла. Түмүккэ Бөтүҥ хамаандата 2-с миэстэҕэ тиксэн бириис ылан астынныбыт.
Мээндиги кулуубун үлэһиттэригэр, чуолаан директор Светлана Николаевна Поповаҕа маннык олус үчүгэй ис хоһоонноох тэрээһини тэрийэргитигэр түмсүүбүт аатыттан махтанабыт. Ону тэҥэ биһигини илдьибит-аҕалбыт төрөппүттэрбитигэр, куруутун биһиги баҕа санаабытын истэн, толорон, өйдөөн-өйөөн илдьэ сылдьар уонна туһалаах бырайыактарга кытыннарар, элбэххэ үөрэтэр түмсүүбүт салайааччытыгар Вилена Дмитриевна Мартыноваҕа эмиэ махталбытын тиэрдэбит.
Нарыйа ИВАНОВА, Айсена БОРИСОВА, “Платформа” Медиа киин чилиэннэрэ