Спорду сэҥээрэр оҕолор сайын аайы “Олимп” лааҕырга астына сылдьаллар. Лааҕыры Амматааҕы Н.С. Захаров-Сахаачча аатынан оҕо спортивнай оскуолата үлэлэтэр. Оҕолор манна сынньалаҥы уонна дьарыгы дьүөрэлии туталлар. Атырдьах ыйын 9 күнүттэн 3 сезон үлэтин саҕалыа.
“Биһиги спортивнай лааҕырбыт бэс ыйын 19 күнүттэн үлэтин саҕалаабыта. Билигин 2 сезон түмүктэнэн эрэр. Атырдьах ыйын 9 күнүттэн үһүс сезон саҕаланыаҕа. Күннээҕи эрэсиим туһунан кэпсээтэххэ, маннык. Ол курдук сарсыарда 7 чааска туран эти-хааны уһугуннарыы, суунуу-тарааныы, 8 чаастан сарсыардааҥҥы аһылык, кылгас сынньалаҥ кэнниттэн бастакы дьарыктар саҕаланаллар. Дьарык кэнниттэн сынньалаҥнарыгар оҕолор тренердэрин кытта Амма өрүскэ сөтүөлүү киирэллэр.
Онтон эбиэт саҕаланар. Кыратык утуйан сынньанан баран түөртүргүлүүллэр. Киэһээҥҥи дьарыктара 5 чаастан саҕаланар. Ол кэнниттэн бүтэн баран эмиэ сөтүө. Сытан сынньанан баран киэһээҥҥи аһылык буолар. Иллэн бириэмэлэригэр оҕолор футболлууллар, волейбол оонньууллар. Уопсайа лааҕырбытыгар 100 иитиллээччи баар. Кинилэри 6 хайысханан 9 тренер дьарыктыыр. Ол курдук көҥүл тустуу, хайыһар, чэпчэки атлетика, волейбол, мас тардыһыы, буулдьанан ытыы көрүҥнэрэ бааллар. Минньигэс астаах повардарбытынан Жиркова Алена Изотовна уонна Константинова Альбина Семёновна минньигэс буолаллар”, — диэн лааҕыр начальнига Яков Павлов билиһиннэрдэ.
Ааптар: «Амма олоҕо» хаһыат