Амматааҕы О.П.Иванова- Сидоркевич аатынан айар сайдыы киинин эбии үөрэхтээһинин Болугурдааҕы филиалын “Наследие” куруһуок иитиллээччилэрэ оскуола алын сүһүөх үөрэнээччилэригэр «Түмэл сэһэнэ» диэн квест оонньуу ыыттылар. Интэриэһинэй тэрээһиҥҥэ оҕолор көхтөөхтүк кытыннылар.
Оҕолор 4 хамаанданан арахсан, араас сорудахтары толордулар. Ол курдук, булка, дьиэҕэ- уокка, сылгы иитиитигэр сыһыаннаах экспонаттары сөпкө булуу, биир экспонаты сырдатыытын интернет ситимиттэн булан кэпсээһин, пазлынан аты көлүйүү, оскуолабыт түмэлигэр урукку төрөппүттэрэ, дьонноро туттубут малларын историятын билиһиннэрии курдук күрэхтэр киирдилэр. Күрэҕи “Наследие” куруһуок иитиллээччилэрэ сыаналаатылар. Түмүккэ кыайыылааҕынан Андриан Горохов хапытааннаах «Боотурдар» хамаандалара буолла. Күрэх кэнниттэн Болугурдааҕы М.А.Ноговицын аатынан култуура киинин үлэһитэ Роман Митиненко туойунан оҥоһукка маастар — кылаас ыытта. Оҕолорго олус туһалаах, интэриэһинэй тэрээһин буолла.
Сахаяна КОЖУРОВА