Амматааҕы “Фаворит” бильярдыыр кулуупка 2023-2024 сыллары түмүктүүр турнир 30 кыттааччыны түмтэ. Тыҥааһыннаах киирсиилэр кэннилэриттэн түмүктүүр турнир кыайыылаахтара билиннилэр.
Турнир үгэс быһыытынан икки бөлөҕүнэн арахсан барда. Ол курдук 50 саастарыгар диэри уонна 50-тан үөһээ саастаахтар. Манна бастакы бөлөххө 9, иккискэ 21 киһи кыттыыны ыллылар. Бэртээхэй киирсиилэр кэннилэриттэн кыайыылаахтар быһаарылыннылар. Ол курдук 50 саастарыгар диэри бөлөххө кыайыылааҕынан Сатаҕайтан Петр Соловьев таҕыста. Иккис миэстэ 2-с Чакыртан Семен Григорьев, үһүс миэстэ Амматтан Алексей Пахомов уонна Алтантан Эрхан Пахомов буоллулар. 50-тан үөһээ саастаах бэтэрээннэргэ кыайыылаах аатын Амматтан Роман Шилов ылла. Иккис миэстэҕэ Петр Гермогенов, үһүс миэстэҕэ Михаил Неустроев уонна Игнатий Гаврильев таҕыстылар. Бириистээх миэстэлэри ылбыттар бары сыаналаах бэлэхтэринэн, дипломунан, мэтээллэринэн наҕараадаланнылар.
“Сылы түмүктүүр бэрт диэн күрэх буолан ааста, анал ааттар туттарыллынылар. Өрөспүүбүлүкэҕэ бастаабыт Кубокпытын тутан-хабан көрдүбүт. Күрэхпитин тэрийэн ыыппыт, бэрт диэн бириистэри туруорбут “Фаворит” кулууппут салайааччытыгар Григорий Григорьевичка улахан махтал буоллун! Кэлбит 2025 сылга өссө да ситиһиилэр кэлэ турдуннар. Бүгүҥҥү күрэх кыайыылаахтарыгар эҕэрдэ! Бу сылга бары доруобай, дьоллоох буолун, барыта этэҥҥэ эрэ буоллун” диэн турнир кыттыылаахтара бэркэ астынан тарҕастылар.
“Амма олоҕо” хаһыат