Биһиги Бөтүҥмүт оскуолата бастакы Президеммит Михаил Николаев саҕалаабыт «Рисуем все» бырайыагынан үлэлэспитэ ыраатта. Ол курдук, 2009 сылтан Намнааҕы педагогическай колледж базовай оскуолата буолан, элбэх оҕо онно үөрэннэ. Оттон бу күннэргэ улахан бырайыак эстафетатын палочкатын Амматааҕы оҕо искусствотын оскуолатыттан бастакынан тутан нэһилиэккэ киэҥ хабааннаах тэрээһиннэр ыытылыннылар.
«Мичээр» оҕону сайыннарар киин бэлэмнэнии бөлөҕөр маастар-кылаас буолбута. Уруһуй учуутала Евдокия Семеновна Слепцова «Нестандартное рисование» диэн кумааҕыга гуашь кыраасканан уруһуйдаан, ватнай палочканан бэлэм шаблоҥҥа точечнай раскраска оҥорторбута.
Салгыы оскуолабытыгар Россияҕа дьиэ кэргэн сылын чэрчитинэн оҕо төрөппүтүн кытта уруһуйугар күрэх ыытылынна. Алын сүһүөх кылаастарга 2 кылаастан кыттыбыт Дьячковскайдар — Дамир, Сайына Ивановналыын кыайдылар. Иккис миэстэни Барановтар — Ромия, Лилия Никитична уонна Татариновтар — Айна, Дмитрий Моисеевичтыын үллэһиннилэр. Үһүс миэстэҕэ 4 «б» кылаастан Марковтар — Агуша ийэтинээн Розалия Фаритовналыын уонна 4 «а» Давыдовтар — Кэрэчээнэ аҕатынаан Константин Егоровичтыын тигистилэр.
Орто сүһүөххэ бастакы миэстэни 7 кылаастан Давыдовтар Стелла эдьиийинээн Екатерина Рудольфовналыын буоллулар. Иккис миэстэҕэ 5 кылаастан Дьячковскайдар Катя, Анастасия Ильиничналыын, үһүскэ Гурьевтар Юрьяна, Татьяна Николаевна буоллулар.
Улахан бөлөххө 8 кылаастан Артемьевтар Карина ийэтинээн Ньургуйаана Васильевналыын бастаатылар.
Маны тэҥэ 8 кылаас үөрэнээччитэ Дарина Непомнящая туойунан маастар-кылаас ыытта. Алтыс кылаас кыргыттара Карина Непомнящая, Амелия Жиркова уонна үһүс көлүөнэттэн икки эбэ Дария Ивановна Попова, Светлана Афанасьевна Никитина алгыс томтук оҥордулар.
Эстафета палочката салгыы Абаҕаларга барда.
Бөтүҥ орто оскуолатын 8 кылааһын үөрэнээччитэ Валерия Рязанская.