Амма улууһун дьаһалтатын аактабай саалатыгар ammaykt.ru сайт — каталог сүрэхтэниитэ үөрүүлээх быһыыга — майгыга ааста.
Эҕэрдэ тылы Амма улууһун баһылыгын бастакы солбуйааччыта Василий Бураев эттэ. Сайт туһунан, бырайыак ааптара, биһиги биир дойдулаахпыт , «Регион — Сервис» ХЭТ дириэктэрэ Андрей Ядрихинскай, Амма улууһун култуураҕа уонна норуот айымньытын салалтатын начальнига Иван Иванов, Амма түмэлин дириэктэрэ Айантай Байдам Алгыс уола уонна сайтка киирбит матырыйааллары эрэдээксийэлээбит, тылбаастаабыт РФ үөрэхтээһинин туйгуна, РФ үтүөлээх учуутала, педагогическай наука кандидата Федор Мартынов, Амма улууһун муниципальнай архыыбын салайааччыта Катерина Окорокова санааларын тириэртилэр.
Аһаҕас микрофоҥҥа Амма олохтоохторо, кыраайы үөрэтээччилэр эҕэрдэлээн тыл эттилэр, баҕа санааларын эттилэр. Амма улууһун баһылыгын социальнай боппуруостарга солбуйааччыта Ньургуйаана Илларионова истиҥ эҕэрдэ тылларынан тэрээһини түмүктээтэ. Сайт сүрэхтэниитин киин библиотека ааҕааччыны кытары үлэлиир салаа кылаабынай бибилэтиэкэрэ Елизавета Сидорова кыайа тутан салайан ыытта.
«Амма олоҕо» хаһыат.
хаартыскалар Катерина Новикова түһэриитэ