Абаҕатааҕы А.Е. Кралин аатынан агрооскуола кэлэктиибэ тутта сылдьыбыт УАЗ микроавтобус маркалаах массыынатын анал байыаннай дьайыыга кытта сылдьар биир дойдулаахтарыгар көмө буоллун диэн биэрэргэ быһаарыммыта. Бу боппуруоһунан оскуола дириэктэрэ Людмила Александрова нэһилиэк баһылыга Максим Семеновка тахсан, массыынаны туттарыы сиэрэ-туома буолла.
«Оскуолабыт сүүрэ сылдьыбыт, билигин саҥа массыына кэлэн туттуллубакка турбут массыынатын анал байыаннай дьайыыга диэн биэрбитин ыламмыт, техническэй туругун көрөн-истэн, ханнык саппаас чаастары наадатын барытын көрөн, чаастары ылан өрөмүөннээтибит. Массыынаны сүүрдэн киллэрэн улуус баһылыгын бастакы солбуйааччы Василий Иванович Бураевка уонна Носов Дмитрий Ариановичка туттардыбыт. Онон сотору кэминэн техникабыт Аллараа Бэстээххэ тиийэн баран, Украинаҕа бэйэбит биир дойдулаахтарбытыгар тиэрдиллиэхтээх. Бу үтүө холобур быйыл Кыайыы 80 сылыгар буолбута ураты суолталаах. Массыынабыт тиийэн туһалаан, уолаттарбыт сотору кэминэн кыайыы көтөллөөх эргиллэн кэлиэхтэрэ диэн бүк эрэнэбит. Онно биһиги оҥорор көмөбүт күүс-көмө буоллун. Массыынатын биэрбит Абаҕа агрооскуолатын кэлэктиибигэр, дириэктэр Людмила Кимовна Александроваҕа дириҥ махталбытын тириэрдэбит»,- диэн нэһилиэк баһылыга Максим Семенов сырдатта.
«Амма олоҕо» хаһыат