Аан күн улууска Уус Майа улууҺуттан кэлбит өрөспүүбүлүкэтээҕи сэрии уонна үлэ бэтэрээннэрин Сэбиэтин Знамята салгыы Эмис уонна Алтан нэҺилиэктэригэр сырытта. Салгыы Знамя улуус нэҺилиэктэринэн айанныа.
Бэтэрээннэр Сэбиэтин Знамята Кутурҕан уонна Кэриэстэбил күнүгэр, Дьокуускай куораттан айаннаабыта. Амма улууҺугар бу сэттиэлэ аан күнүгэр Уус Майа улууҺуттан кэлэн үөрүүлээх быҺыыга -майгыга туттарыллыбыта. Бу эстафета сэрии уонна үлэ бэтэрээннэрин өрөспүүбүлүкэтээҕи Сэбиэтэ тэриллибитэ 40 сылыгар ананна. Амма нэҺилиэгиттэн Знамя Эмис нэһилиэгэр кэлэн олохтоохтор көрсөн тэрээҺин ыытылынна. Салгыы Знамя Алтан нэҺилиэгэр айаннаата. Эмис нэһилиэгин баһылыга Прокопий Бубякин үбүлүөйгэ анаммыт Знамяны аҕалан нэҺилиэк бэтэрээннэрин Сэбиэтигэр туттарда.
«Кэлэр сылга кулун тутарга өрөспүүбүлүкэҕэ сэрии, тыыл уонна үлэ бэтэрээннэрин Сэбиэтэ тэриллибитэ 40 сыла. Бу төгүрүк датаны историяҕа хаалларар гына, Сэбиэт Знамятын улуустарынан сырытыннарарга быҺаарыы ылынан бу айанныы сылдьар. БиҺиги улууспутугар Уус Майа улууҺуттан кэлэн баран, бу икки нэҺилиэккэ сырытта. Ол курдук Эмис уонна Алтан нэҺилиэктэрэ Знамяны өрө көтөҕүллэн көрүстүлэр. ТөҺө да сайыҥҥы от -мас түбүктээх күннэрэ турдаллар, хайа кыалларынан мустан, сэмэй тэрээҺиннэри ыыттылар. БиҺиги улуус атырдьах ыйын 24 күнүгэр Чурапчы улууҺугар туттарыаҕа»,- диэн улуус бэтэрээннэрин Сэбиэтин бэрэссэдээтэлэ Мария Захарова сырдатар.
Бүгүн Знамяны Сатаҕай нэҺилиэгэр көрүстүлэр. Сарсын Чакыр олохтоохторугар тиийиэ.
«Амма олоҕо» хаҺыат