Бүгүн Дойду Бэрэсидьиэнэ Владимир Путин 74 сааһын туолла. Бу даатаҕа сөп түбэһиннэрэн «Амма олоҕо» хаһыат алтынньы 9 күнүнээҕи нүөмэригэр матырыйаал бэлэмнээтэ.
Владимир Владимирович Арассыыйаны олох атын таһымҥа таһаарбыт күүстээх салайааччы буолар. Кини 2000 сыллаахха кулун тутар 26 күнүгэр Арассыыйа Бэрэсидьиэнинэн аан бастаан быыбардаммыт эбит. Күн бэҕэһээ курдук өйдүүбүн, 1999 сыллаахха Саҥа дьыл үүнэр түүнүгэр Борис Ельцин эҕэрдэ тылыгар «Я ухожу в отставку» диэн эппитэ уонна бэйэтин оннугар Бэрэсидьиэн эбээһинэһин толорооччунан Владимир Путины хаалларбыта. Ити кэмтэн ыла саҕаламмыта кини Ийэ дойдутугар эппиэттээх үлэтэ, бэриниилээх сулууспата.
2025 сыллаахха Россия 24 каналга «Россия.Кремль.Путин. 25 лет» диэн документальнай киинэни сэргии көрбүтүм. Онно дойду Бэрэсидьиэнэ Кремиллээҕи дьиэтин аан бастаан көрдүбүт. Кэнники үс сылга наар манна олорон үлэлиибин диир. Маны таһынан рояльга оонньуурун, тус ааҕар бибилэтиэкэлээҕин, дьиэтээҕи «церквушкалааҕын» биллибит. Кыбартыыратын саамай сүрүн чааһа, бэйэтэ этэринэн, тренажернай саала эбит. Сарсыарда аайы күҥҥэ 1.5 чаас дьарыктанабын диэбитин сэргии иһиттим. Ону таһынан түгэн көһүннэҕинэ, бассейҥҥа харбыырын, мууска эмиэ тахсарын эттэ. Манна даҕатан эттэххэ, Дойдубут Аҕа баһылыга 2011 сылтан хоккейынан дьарыктанар, самбо уонна дзюдо көрүҥнэригэр ССРС спордун маастара буолар.
Когда человек занимается физическими упражнениями, уровень адреналина повышается, все нравится, все начинает получаться. Спорт — это не какая-то «развлекушка». Это чрезвычайно важное государственное, без всякого преувеличения, дело, — диэн тоһоҕолоон бэлиэтиир.
Дэлэҕэ, 2014 сыллаахха кыһыҥҥы Олимпийскай оонньуулар биһиги дойдубутугар Сочига ыытыллыахтара дуо? Чахчы, оҕо төрөөһүнэ, киһи доруобуйата, дойду кыаҕа — эн төһө эт-сиин өттүнэн сайдыылааххыттан быһаччы тутулуктаах, ыкса ситимнээх.
Владимир Владимирович Путин туһунан суруйуубутун сиһилии «Амма олоҕо» хаһыат алтынньы 9 күнүнээҕи нүөмэригэр ааҕаарыҥ.
Убаастабыллаах ааҕааччыларбыт!
“Амма олоҕо” хаһыакка алтынньы 6-16 күннэригэр 2027 сыл бастакы аҥарыгар чэпчэтиилээх сурутуу ыытылла турар. Хаһыаты дьиэҕититтэн тахсыбакка эрэ 89627312970, 89245692730 төлөпүөннэргэ эрийэн эбэтэр Макс сыһыарыыга суруйан сурутуоххутун сөп.
Вера ИВАНОВА
Хаартыскалары http://putin.kremlin.ru/bio/page-5 сайтан туһанныбыт.