Сэтинньи 20 күнүгэр Амма улууһун комплекснай спартакиадатын иитинэн хабылыкка, хаамыскаҕа улуустааҕы күрэс буолан ааста. Соморсун нэһилиэгэ бу көрүҥнэргэ күрэҕи үһүс төгүлүн көрүстэ.
Улуус нэһилиэктэриттэн 9 хамаанда кэлэн, барыта 73 спортсмен күөн көрүстүлэр.
Хабылык, хаамыска күрэҕэр спортсменнар 4 сааһынан арахсан хабылыгы 100 бырыҺыан ытыс көхсүгэр түһэрэн уонна биэстээх тоҥсуурга 2 мүнүүтэҕэ оонньоон кииристилэр. Быйылгы күрэскэ аан бастакытын «Күөрэгэй» хаамыска сүрэхтэниитэ буолла. Баҕалаахтар, барыта 24 спортсмен кыттыыны ыланнар суол астылар. Кэлэр сылтан «күөрэгэй» хаамыска саастарынан арааран булгуччулаах көрүҥ быһыытынан киириэҕэ. Онон спортсменнар 3 көрүҥҥэ кыттардыы бэлэмнэнэн кэлиэхтэрэ.
Түмүккэ «Күөрэгэй» хаамыска кыайыылаахтарынан буоллулар:
Эр дьоҥҥо:
1 миэстэ – Терентьев Николай (Амма Наахара)
2 миэстэ – Гаврильев Николай (Амма)
3 миэстэ – Михайлов Петр (Чакыр)
Дьахталларга:
1 миэстэ – Степанова Калиста (Амма Наахара)
2 миэстэ – Алексеева Иванна (Соморсун)
3 миэстэ – Ефремова Степанида (Алтан)
Хабылык уонна «тоҥсуур» хаамыска көрүҥнэригэр группаларынан кыайыылаахтар:
1 группа (18-39 саастаахтарга) дьахталлар:
1 миэстэ – Николаева Татьяна (Амма)
2 миэстэ – Заборовская Мария (Амма Наахара)
3 миэстэ – Алексеева Иванна (Соморсун)
1 группа (18-39 саастаахтарга) эр дьон:
1 миэстэ – Захаров Сергей (Сулҕаччы)
2 миэстэ – Арсентьев Айсен (Соморсун)
3 миэстэ – Ефремов Иван (Амма Наахара)
2 группа (40-49 саастаахтарга) дьахталларга:
1 миэстэ – Чирикова Алена (Амма)
2 миэстэ – Новикова Зинаида (Эмис)
3 миэстэ – Максимова Ньургуйана (Чакыр)
2 группа (40-49 саастаахтарга) эр дьон:
1 миэстэ – Терентьев Николай (Амма Наахара)
2 миэстэ – Степанов Михаил (Соморсун)
3 миэстэ – Михайлов Петр (Чакыр)
3 группа (50-59 саастаахтарга) дьахталлар:
1 миэстэ – Степанова Калиста (Амма Наахара)
2 миэстэ – Мухина Надежда (Болугур)
3 миэстэ – Рязанская Варвара (Соморсун)
3 группа (50-59 саастаахтарга) эр дьон:
1 миэстэ – Гаврильев Николай (Амма)
2 миэстэ – Осипов Петр (Чакыр)
3 миэстэ – Баранов Федор (Соморсун)
4 группа (60 саастан үөһэ саастаахтар) дьахталларга:
1 миэстэ – Лазарева Маргарита (Соморсун)
2 миэстэ – Гаврильева Нина (Амма Наахара)
3 миэстэ – Ефремова Степанида (Алтан)
4 группа (60-тан үөһэ саастаахтарга) эр дьоҥҥо:
1 миэстэ – Михайлов Анатолий (Эмис)
2 миэстэ – Христофоров Павел (Амма)
3 миэстэ – Михайлов Данил (Сулҕаччы)
Күрэс түмүгүнэн Соморсун нэһилиэгин хамаандата кыайыылаах үрдүк аатын ылла. 2 миэстэҕэ Амма, 3 миэстэҕэ Амма Наахара нэһилиэктэрэ таҕыстылар.
Бэлиэтээн эттэххэ хабылык, хаамыска күрэҕэ улууспутугар 11-с төгүлүн ыытылынна. Сылтан сыл спортсменнар көрдөрүүлэрэ үрдээн иһэр. Спортсменнар бары «Күөрэгэй» хаамысканы олуһун сэҥээрэн бардылар. Күрэс бүтүүтэ хабылыкка, хаамыскаҕа спорт маастардара Алена Чирикова уонна Николай Терентьев троеборье көрүҥэр маастар-кылаас көрдөрдүлэр.
Соморсун нэһилиэгин олохтоохторугар, чуолаан баһылыгар Кононов Алексей Юрьевичка, спорка исписэлииһигэр Степанов Михаил Николаевичка хабылык, хаамыска күрэҕин үрдүк таһымҥа тэрийэн ыыппыккытыгар, Амма улууһун хабылыкка, хаамыскаҕа федерациятын бэрэссэдээтэлигэр Иванов Иван Федоровичка, Амма улууһун спорка управлениетын салайааччытыгар Наумов Дмитрий Дмитриевичкэ, исписэлиистэргэ Федорова Мира Владимировнаҕа, Захаров Кирилл Егоровичка куруук күүс-көмө буолан өйүүргүтүгэр барҕа махталбын тиэрдэбин!
Күрэс сүрүн судьуйата Алена Чирикова