Амма 1 №-дээх оскуолатын аҕаларын түмсүүтүн көҕүлээһининэн «Куйуур-2024» күрэх 8 уонна 10 кылаас уолаттарын икки ардыларыгар аан бастакытын ыытылынна.
Хас да түһүмэхтээх күрэх түмүгүнэн 8 кылаастарга кыайыылааҕынан 8 «б» кылаас, иккис 8 «а» кылаас, үһүс 8 «в» кылаас, 10 кылаастарга кыайыылаах 10 «б» кылаас, иккис 10 «а» кылаас буоллулар. Оҕолор куйууру олус интириэһиргээтилэр уонна өбүгэлэрбит биир саамай сүрүн дьарыктарыгар муус аннынан балыктааһыҥҥа үөрэнэн кэллилэр. Бу күрэх биһиги оскуолабытыгар бастакытын ыытылынна. Эһиил өссө күүскэ бэлэмнэнэн күрэхтэһэ тахсыах буоллулар. Онон күүс көмө буолбут аҕабытыгар Соловьев Алексей Ивановичка уонна биһиги учууталбытыгар Петухов Дмитрий Дмитриевичка, суоппарбытыгар Куприянов Владимир Владимировичка уол оҕоҕо туһалаах күрэҕи тэрийбиттэригэр махталбытын тиэрдэбит. Бу тэрээһин оҕолорбутугар умнуллубат үөрэх уонна уопут буолла.
Мария Слепцова.