Үөрэх эйгэтин үлэһиттэригэр тыа сирин дьаарбаҥкатын чэрчитинэн, ааҕар дьиэ кэргэттэр ортолоругар «Бүттүүн дьиэ кэргэнинэн ааҕабыт» өрөспүүбүлүкэтээҕи күрэс буолан ааста.
Күрэс 4 уустук түһүмэхтэртэн турда. Ол да иһин буолуо, өрөспүүбүүлүкэбит араас муннуктарыттан 2 дьиэ кэргэн кытынна.
Күрэскэ ааҕыы эрэ буолбакка, дьиэ кэргэҥҥэ ааҕыыны көҕүлүүр видеоролик таҥар, бэйэ дьид кэргэнин уратытык билсиһиннэрэр, А.Носов айымньыларынан инсценировка туруорар уонна «Горжусь своей историей’ сериянан тахсыбыт, дойдубут историятын сырдатар, чаҕылхай дьонун туһунан блиц-ыйытыктардаах түһүмэхтэртэн турда. Чурапчыттан Павел, Саша, Акулина Романовна, Вера Иннокентьевна Луковцевтар дьиэ кэргэттэрэ бастакынан күрэскэ киирдилэр.
Иккиһинэн Амма улууһуттан, Амматааҕы лиссиэй аатыттан Саина, Самаана, Айысхан, Евгений Викторович, Сахаяна Константиновна Тобоновтар дьиэ кэргэттэрэ кытыннылар.
Түмүккэ бары түһүмэххэ барытыгар бастыҥ аатын ылан, Муҥутуур Кыайыылааҕынан Тобоновтар дьиэ кэргэн таҕыстылар. Дьүүллүүр сүбэ быһаарыытынан уонна аны күһүн Москваҕа ыытыллар Бүтүн Арассыыйатааҕы күрэскэ өрөспүүбүлүкэ чиэһин көмүскүү барар буоллулар.
Наталия Рязанская.