Бүгүн Амматааҕы норуот айымньытын дьиэтин саалата биир кэм өрө оргуйан олорор. Улууска историческай нэһилиэстибэ уонна патриотическай тыыҥҥа иитии, Т.В.Захаров — Чээбий төрөөбүтэ 155 сылларыгар, эһиил Аммаҕа буолар Олоҥхо ыһыыаҕын көрсө ыытыллыбыт фестиваль түмүгүнэн бастыҥ үлэлээх култуура тэрилтэлэрэ ааттанар долгутуулаах чаастара тиийэн кэллэ.
Улуустааҕы култуура салалтатын салайааччы Иван Иванов илиититтэн бастыҥнар сертификаттарын кимнээх туттулар?
700 диэри нэһилиэнньэлээх нэһилиэктэргэ: 1 миэстэ Мээндиги нэһилиэгин «Алгыс» култуура киинэ, 2 миэстэ Амма Наахара «Түмэн» сынньалаҥ киинэ, 3 миэстэ Сатаҕай нэһилиэгин «Айыллык» сынньалаҥ киинэ.
700 элбэх нэһилиэнньэлээх нэһилиэктэргэ: 1 миэстэ Алтаннааҕы «Иэйии» култуура киинэ, 2 миэстэ Ф.Потапов аатынан норуот айымньытын дьиэтэ, 3 миэстэ М.А. Ноговицын аатынан Болугурдааҕы культура киинэ.
Фестиваль кыайыылаахтара Дипломнарынан, харчынан бириистэринэн бэлиэтэннилэр.
Улуустааҕы култуура салалтатын хаартыскаларын туһанныбыт.
«Амма олоҕо» хаһыат.