СӨ ИдьМ Амматааҕы ис дьыала отделениетын сокуоннай саастарын ситэ илик оҕолор инспекциялара уонна РФ ИДьМ иһинэн баар буруйу оҥорбут сокуоннай саастарын ситэ илик оҕолор быстах кэмҥэ киирэр кииннэрэ холбоон “Эр санаа” уруоктарын ыыттылар. Уруоктар улуус биэс үөрэҕин тэрилтэлэригэр бэрт сэргэхтик бардылар. Манна анал байыаннай дьайыы кыттыылааҕа уонна бойобуой дьайыылар бэтэрээнэ кыттыыны ыллылар.
“Бу “Эр санаа” уруоктара биһиги сулууспабыт тэриллибитэ 90 сылыгар, Улуу Кыайыы 80 сылыгар ананан уонна кэлэн иһэр Аҕа дойду көмүскээччилэрин күнүнэн тэрилиннэ. Ол курдук хас да күн устата Амма 1 уонна 2 нүөмэрдээх оскуолаларыгар, Амматааҕы лиссиэйгэ, Чапчылҕан орто оскуолатыгар уонна оҕо бибилэтиэкэтигэр сырыттыбыт. Эр санаа уруоктарын анал байыаннай дьайыы кыттыылааҕа, Бүтүн Арассыйатааҕы байыаннай патриотическай оҕону иитиигэ юнармия хамсааһынын ыстаабын салайааччыта Мичил Алексеевич Винокуров уонна бойобуой дьайыылар кыттыылааҕа, учаастактааҕы полиция боломуочунайа, полиция лейтенана Дьулусхан Васильевич Данилов ыыттылар. Кинилэр оҕолорго Ийэ дойдуну көмүскүүр диэн тугун, патриот киһи хайдах буолуохтааҕын туһунан кэпсээтилэр. Ону сэргэ Макаров бэстилиэтин ыһар-хомуйар, араас анал бойобуой тэриллэри, криминалистика чымадаанын көрдөрдүлэр.
Үөрэнээччилэр интэриэһиргээн иһиттилэр, боппуруостары биэрдилэр. Көрүсһүүлэр бэрт интэриэһинэйдик бардылар. Оҕолор маннык уруоктар кэннилэриттэн дойдуларын өссө күүскэ таптыахтара, кинини көмүскүүргэ бэлэм буолуохтара, эр санаалара күүһүрүө диэн эрэнэбит”, — диэн Амматааҕы ИДьО отделениетын сокуоннай саастарын ситэ илик оҕолору кытта үлэлиир иснпекция старшай инспектора, полиция майора Лилия Никифорова сырдатта.
“Амма олоҕо” хаһыат