Чапчылҕан орто оскуолатыгар алын сүһүөх кылаас үөрэнээччилэрин икки ардыларыгар «Мин төрөөбүт тылым — саха тыла» диэн Н.Е. Мординов — Амма Аччыгыйа төрөөбүтэ 120 сылыгар ананан күрэх буолан ааста. Күрэҕи “Үһүс көлүөнэ” оскуолата уонна нэһилиэк бибилэтиэкэтэ тэрийэн ыыттылар.
Бу күрэх быйыл үһүс сылын ыытыллар. Бастакы икки сылга улахан кылаас оҕолоругар анаммыта. Онтон быйыл бастакытын алын сүһүөх кылаастарга буолла. Барыта 11 оҕо кыттыыны ылла. Күрэх икки түһүмэхтээх. Кыттааччылар бастакы түһүмэххэ Амма Аччыгыйын кэпсээннэригэр эбэтэр остуоруйаларыгар олоҕуран уруһуйдаан, ол ис хоһоонун кэпсээтилэр, иккис түһүмэххэ «Ийэ» хоһоонну өйтөн аахпыттара. Түмүккэ I Үрдэл- 1 кылаас үөрэнээччитэ Степанова Кэрэли, 2 Үрдэл – 3 кылаас үөрэнээччитэ Павлова Юлианна, 3 Үрдэл -4 кылаас үөрэнээччитэ Сдвижкова Диана буоллулар. Ону таһынан дьүүллүүр сүбэ быһаарыытынан «Дьулуурун иһин» анал ааты 4 кылаас үөрэнээччитэ Пестерева Алиса, «Саҥа аат» анал ааты 2 кылаас үөрэнээччитэ Семенов Эльдар, «Көрөөччүлэр биһирэбиллэрэ» анал ааты 1 кылаас үөрэнээччитэ Новгородов Эрхан 1 кылаас ыллылар.
Бары кыттааччылар Туоһу суругу туттулар, онтон кыайыылаахтар харчынан бириистэринэн наҕараадаланнылар. Кыттыыны ылбыт үөрэнээччилэргэ, учууталларга уонна төрөппүттэргэ махталбытын тиэрдэбит.
Евгения КОНСТАНТИНОВА, Чапчылҕан бибилэтиэкэтин кылаабынай бибилэтиэкэрэ