Сулҕаччытааҕы «Чычып-Чаап» уһуйаан «Киистэ кэпсээнэ» бырайыагын чэрчитинэн Амма улууһун уһуйааннарыгар художественнай десанынан сырытта.
Десаҥҥа худуоһунньук Николай Рязанскай уонна кини кэргэнэ, биһиги ветеран иитээччибит Екатерина Филипповна, уһуйаан иитээччилэрэ, сэбиэдиссэй сылдьан оҕолору кытта көрсөн-билсэн тэҥҥэ уруһуйдаатылар, Николай Николаевич хартыыналарын быыстапкатын көрдөрдө, кэпсээтэ. Хас биирдии сылдьыбыт уһуйааныгар галерея арылларыгар баҕа санаатын этэн туран бэйэтин хартыынатын бэлэх туттартаата. Быйыл Кыйыы 80 сылынан «Чычып-Чаапка» былааннаммыт дьарыгын ыытта, күөх халлааны кырааскалаан эйэ холуубун кырыйан көтүттүлэр. Десаммытын Чакыр «Ньургуһун» уонна Соморсун «Чэчир» уһуйааннарыгар сылдьан түмүктээтибит. Талааннаах хуһуоһунньукпут Николай Рязанскайы «Кустук тахсар Аммабар» быыстапката арыллыбытынан эҕэрдэлиибит. Николай уонна Екатерина Рязанскайдар дьиэ кэргэннэригэр баҕарабыт уһун дьоллоох олоҕу, айар үлэҕитигэр ситиһиини.
Алена Ефремова, уһуйаан сэбиэдиссэйэ