Амма улууһун баһылыга Степан Кузьмин Дьокуускай куоракка командировкатын кэмигэр улуус сүрүн кыһалҕаларынан хас да көрсүһүүлэри ыытта. Биир сүрүн туруорсар боппуруоһунан билигин сытыытык турар уматык боппуруоһа буолла. Туох түмүккэ кэллилэр?
«Мин бу командировкабар хас да боппуруостарынан кэпсэтиилэри ыыттым. Онно биир саамай билигин дьон-сэргэ күүтэр, ордук чуолаан отчут-масчыт дьоммут долгуйа күүтэр уматык, сэлээркэ боппуруоһа буолла. Манна биһиги Ил Түмэн дьокутаата, тутууга, олох-дьаһах хаҺаайыстыбатыгар уонна энергетика боппуруостарыгар сис кэмитиэтин бэрэссэдээтэлэ, бэйэбит дойдулаахпыт Александр Иванович Корякины кытта «Саханефтегазсбыт» генеральнай дириэктэрин экономикаҕа уонна үпкэ солбуйааччыта Артем Васильевич Ничипоренконы кытта кэпсэттибит. Киниэхэ улууска хайаатар да бэриллэр лимиит бэйэлэрин филиалларыгар улаатыан наадатын, отчуттарга, чааһынай дьоммутугар тиийбэтин бэлиэтээн эттим. Маныаха Игорь Васильевич баар балаҺыанньаны өйдөөн кэлэр уматыкка кээмэйи улууска улаатыннарыахпыт диэн эттэ. Онон бу боппуруоска эрэл баар буолла диэххэ наада. Күн бүгүн 400-тэн тахса эрэ тонна оттонно. Бу биллэн туран күүстээх ардахтары сэргэ уматык уустугурбута буолар. Маны тэҥэ Дьокуускайга Ил Дархан уонна Бырабыыталыстыба Дьаһалтатын ис бэлиитикэ уонна олохтоох бэйэни салайыныы Департаменын салайааччыта Александр Васильевич Уваровы көрсөн улууспут социальнай-экэнэмиичэскэй сайдыытынан кэпсэттибит. Онно суол да кыҺалҕата, кыстыкка да бэлэм боппуруостара киирдилэр»;- диэн Степан Николаевич оробуочай сырыытын туҺунан сырдатта.
«Амма олоҕо» хаһыат