Бу күннэргэ сыллата нэһилиэктэр икки ардыларыгар ыытыллар уус-уран самодеятельность бэстибээлэ Майскай, Чакыр нэһилиэктэриттэн саҕаланна. Быйылгы бэстибээл “Айхаллан Кыайыы” диэн девиһинэн Улуу Кыайыы 80 сылыгар ананан ыытыллар.
Улуус култуураҕа уонна норуот айымньытыгар салалтатын сүрүн исписэлиистэрэ, фольклор, хореография салаатын исписэлиистэрэ нэһилиэктэргэ тиийэн турбут нүөмэрдэри көрдүлэр, бэйэлэрин сүбэлэрин биэрдилэр. Бары нэһилиэктэргэ уус уран самодеятельность көхтөөх кыттыылаахтара, норуот талааннаахтара бэлэмнээбит нүөмэрдэрин көрдөрдүлэр. Бу бэстибээл түмүгүнэн аны саас Улуу Кыайыы күнүн өрөгөйдөөхтүк бэлиэтииргэ стадиоҥҥа улахан хор туруохтаах, бастыҥтан бастыҥ нүөмэрдэр талыллан Гала кэнсиэргэ киириэхтэрэ. Бэстибээл салҕанар, бары нэһилиэктэринэн ыытыллар.
“Амма олоҕо” хаһыат