Быйыл “Үүнээйис” оҕо лааҕыра тэриллибитэ 30 сыла. Онон сибээстээн хаһыаппыт бүгүҥҥү нүөмэригэр 90-сылларга РОНО-ҕа омук тылын методиһынан, психологынан үлэлээбит Тамара Егорова «Үүнээйис»: Амма эрэлэ, сайдыыта, кэскилэ» диэн ааҕааччы болҕомтотун тардар улахан ахтыыта таҕыста.
Саҥа капиталистическай тутул олох иһэрин анааран көрбүт историк-салайааччы, философия билимин хандьыдаата, инноватор Василий Васильевич Федоров
Оччолорго «Үүнээйис» үүнэн ис”, «Немецкий друг детей из Якутии”, “Үүнээйис" саха-немецкэй оскуола”, “Амма Нептуна Миттерли” диэн төбөлөөх ыстатыйалар “Саха сирэ”, “Амма олоҕо” хаһыаттарга бэчээттэммиттэрэ
Ордук теолог Йоханнес Миттерле Амма айылҕатын, дьонун-сэргэтин сөбүлээн Амманы дойду оҥостон сыллата кэлэн дуоһуйа сынньанара
Төрөөбүт дойдубар Аммаҕа 90-с сыллар саҥаларыгар экономическай балаһыанньа дойдуга уустугуран турар кэмигэр им. Саҥа капиталистическай тутул олох иһэрин анааран көрбүт историк-салайааччы Василий Васильевич Федоров үлэтигэр чопчу соруктары туруоран инники олох сайдыытын чарапчыланан көрөн бэйэтин тула опыттаах педагогтары, новатордары түмпүтэ. 20-с үйэҕэ суруйбут ыстатыйаларбын бэрийэн көрдөххө, үөрэх эйгэтигэр элбэх да ыллыктаах үлэ оҥоһуллубут эбит. Оччолорго Саха сиригэр маҥнайгы гимназиялар, омук тылын оҕо сынньалаҥ лааҕырдара тас дойдуга аартыгы арыйбыттара. Аммаҕа саҥа саҕахтар тыкпыттара. Философия билимин хандьыдаата, инноватор Василий Федоров уонна тыл билимин хандьыдаата Федор Никанорович Мартынов санааларын уурбут бырайыактара «Үүнээйис» саха-немецкэй оскуола сыалын-соругун таһыччы сиппитэ. Билигин «Үүнээйис» оскуола аҕалаатар аҕатын Василий Федоров аата иҥэриллэн саҥалыы үлэлиирэ былааннанар, — диэн «Үүнээйис» куратора-методиһа, психолог Тамара Петровна ахтыытыгар суруйар.
Амма улууһун баһылыга Степан Кузьмин уонна тыа хаһаайыстыбатын управлениетын салайааччыта Ион Кононов хомуур үлэтин билсэллэр. Кураан күннэри баттаһа хомуур үлэтэ күргүөмнээхтик ыытыллар. Күн-дьыл туран биэрдэр, хомуур үлэтин түмүктүүр сорук турар.
Улууспутугар улахан хортуоппуй сирдээх Александр Фомин хомуур үлэтигэр түүннэри-күннэри үлэлиир. / Фото: Августина Иванова
Амма улууһугар оттук сезона балаҕан ыйын 7 күнүттэн саҕаламмыта. Быйылгы сыл биир улахан ситиһиитинэн «Стадион» хочуолунайа үлэлээн Молодежнай кыбаартал ыалларыгар сылааһы биэрии саҕаланна. Амматааҕы олох-дьаһах коммунальнай хаһаайыстыба филиалын үлэтин туһунан сиһилии Катерина Новикова матырыйаалыгар ааҕыҥ.
"Матросов" хочуолунайа
Алтан
Амма
«Саха сиригэр сынньаныахха сөп» диэн олохтоох туризм туһунан кылаабынай эрэдээктэр Наталья Бубякина суруйуутугар сырдатта. Чуолаан туризм эйгэтигэр төрдүс сылларын сэргэхтик үлэлии сылдьар «Дьокуускай гидтарын холбоһуга» диэн ааттаах түмсүүттэн Виктор Борисовы-Алтан Түһүнэйи кытта кэпсэттэ.
Убаастабыллаах ааҕааччыларбыт!
«Амма олоҕо» хаһыакка сотору кэминэн чэпчэтиилээх сурутуу декадата саҕаланар. Ол түгэни мүччү туппакка сыллааҕы хаһыакка сурутаргытыгар ыҥырабыт. Хаһан да буоларын курдук биир сылга суруппуттар 2025 сыл халандаарын тутуоххут уонна сүүйүүлээх оонньотууга кыттыаххыт. Санатан эттэххэ, «Амма олоҕо» хаһыат «Сандалы» маҕаһыыҥҥа уонна хаһыат эрэдээксийэтигэр Ленин уулусса 15 нүөмэригэр атыыланар. Улуускут хаһыатын кытта бииргэ буолуҥ, олоҕу кытта тэҥҥэ хардыылааҥ.
Вера ИВАНОВА.