Амма улууҺугар үөрэнээччилэргэ аналлаах бастакытын «Эдэр чинчийээччилэр оскуолалара» тэриллэр буолла.
Ыам ыйын 29 күнүгэр Амма улууһун баҺылыгын социальнай эйгэҕэ солбуйааччы Ньургуйаана Илларионова салайааччылаах Амма улууһугар бастакытын сайыҥҥы чинчийэр «Амма эдэр чинчийээччилэрин оскуолата» экспедиция тэрийэр боппуруостарын тула саҕалааһын сүбэ мунньах буолан ааста.
Кыттыыны биир дойдулаахпыт, тутаах партнербут «Регион-Сервис» ХЭТ дириэктэрэ Андрей Ядрихинскай, улуустааҕы үөрэх управлениетын методическай отдел салайааччыта Семен Шадрин, сүрүн исписэлиис Клара Кириллина, Амматааҕы лиссиэй дириэктэрэ Дария Захарова, Бөтүҥ орто оскуолатын дириэктэрэ Акулина Иванова, дириэктэри үөрэтии-иитии боппуруоһугар солбуйааччы Мария Иванова ыллылар. Бу улахан тэрээһин сүрүн салайааччыта Амма улууһун үөрэҕин управлениетын начальнигын солбуйааччы Татьяна Иванова буолар. Кэпсэтии түмүгүнэн экспедиция бэс ыйын 9 күнүттэн 14 күнүгэр диэри 4 хайысханнан буолара былааннанар. Ол курдук археологтар бөлөхтөрө (сал. Никифоров Е.Т. Бөтүҥ орто оскуолатын история учуутала), культурологтар (сал. Ноговицына М.Д. Амма лиссиэйин саха тылын уонна литэрэтиирэтин учуутала), естественниктэр (сал. Быстрова А.В.Амма лиссиэйин география учуутала), агро хайысха (сал. Кузнецов А.К. Бөтүҥ орто оскуолатын география учуутала). Барыта улуус оскуолаларыттан 50 оҕо кыттыахтаах уонна өрөспүүбүлүкэҕэ биллэр учуонайдар, сүрүн исписэлиистэр оҕолорбутун салайыахтара, элбэххэ үөрэтиэхтэрэ диэн былаанныыбыт.
Мария ИВАНОВА