Сатаҕай нэһилиэгэр ыытыллыбыт болдьоҕун иннинэ баһылык быыбарыгар үс кандидаттан кыайыыны Алексей Шишигин ылла. Киниэхэ быыбардааччы 78,78 бырыһыана куоластаата.
59№-дээх Сатаҕайдааҕы быыбардыыр учаастак бэрэссэдээтэлэ Василий Борисов иһитиннэрбитинэн ыытыллыбыт быыбарга уопсайа испииһэккэ киирбит 363 киһи киирбититтэн 278 киһи быыбардаата. Барыллаан түмүгүнэн куоластаабыт быыбардааччы 78,78 бырыһыанын ылан улуус тыатын хаһаайыстыбатын салайааччытын солбуйааччыта, «Биир ньыгыл Арассыыйа» политическай баартыйа олохтоох отделениетынан туруоруллубут Алексей Шишигин инники күөҥҥэ таҕыста.
“Амма олоҕо” хаһыат