Мээндигигэ спортсаала каратэ “киокусинкай” көрүҥүн сайыннарыы бырайыагын чэрчитинэн тутуллубута. Бу күннэргэ манна “Сатори” байыаннай искусстволар оскуолаларын тренердэрэ иитиллээччилэрин кытта сынньанан, дьарыктанан бардылар.
“От ыйын 31 күнүттэн-атырдьах ыйын 3 күнүгэр диэри Дьокуускай куораттан “Сатори” байыаннай искусстволар интернат — оскуолаларын икки тренерэ уонна түөрт иитиллээччилэрэ алтыа кэлэн оскуолабыт оҕолорун эт-хаан өртүнэн эрчийэн бардылар, каратэ “киокусинкай” көрүҥэр үөрэтэн бардылар. Ол курдук тренер Пичкур Игорь Александрович биһиги оскуолабыт тренеригэр Данилов Андрей Алексеевичка, оҕолорго бэйэтин баай уопутун үллэһиннэ, үс күннээх дьарык тэрийдэ.
Ыалдьыттарбытыгар нэһилиэкпит баһылыга Семёнов Илья Владимирович Мээндиги нэһилиэгин баай историятын кэпсээтэ, экскурсия тэрийэн дьоммут үөрүүлэрэ өссө үрдээтэ.
Дьарык түмүгүнэн Мээндиги орто оскуолатыттан 4 оҕону олунньу-сэтинньи ыйдарга бэйэлэригэр сборга ыҥырдылар. Онон олус туһалаах сырыы буолан, бары үөрэн-көтөн тарҕастылар”, — диэн П.И. Караканов аатынан Мээндиги агро хайысхалаах оскуолатын дириэктэрэ Иосиф Софронов иһитиннэрэр.
“Амма олоҕо” хаһыат