Н.Е.Иванов аатын Бөтүҥ орто оскуолатыгар улуустааҕы “Амма улууһун эдэр чинчийээччилэрин оскуолата” бырайыак 1-кы сессията ыытылынна. Оҕолор бары сессияларын этэҥҥэ аастылар.
Быйыл сайын биһиги оскуолабытыгар улуустааҕы үөрэх салаатын көҕүлээһининэн сайыҥҥы үөрэтэр экспедиция тэриллэн улууспут нэһилиэктэриттэн чинчийэр-үөрэтэр оҕолор кэлэн 4 хайысханан практиканы барбыттара, элбэх саҥаны билбиттэрэ.
Оҕолор саҥа үөрэх дьылыгар бастакы сессияларыгар түмүстүлэр. Кинилэргэ үөрэх салаатын салайааччытын иитэр үлэҕэ солбуйааччыта Акулина Семеновна Иванова бырайыак туһунан билиһиннэрдэ. Сайын чинчийэр үлэ хайдах, туох барбытын көрдөрдө, сиһилии кэпсээтэ. Амма улууһугар «Инникигэ хардыы» хамсааһын координатора Николай Семенович Захаров оҕолорго бырагырааманы, Арассыыйа үөрэҕин испииһэгэр киирбит күрэхтэр тустарынан билиһиннэрдэ. Амма улууһун муниципальнай архыыбын салайааччыта Катерина Сольскиевна Окорокова «Амгинская рукопись» диэн бырайыагын иһинэн үлэлиир оҕолору, учууталлары кытта үлэлээтэ, сүбэ-ама биэрдэ. Бу сайын бырайыакка кыттыбыт оҕолор талбыт тиэмэлэрин дакылаат научнай сүнньүн ырытан, утумнаахтык дьарыктаннылар. Манна оҕолору үөрэтэр салайааччыларынан кыраайы үөрэтэр хайысхаҕа Л.В.Киренскэй аатынан Амма лицейин учуутала Мария Дмитриевна Ноговицына, естественнай-географическай хайысхаҕа лиссиэй географияҕа уонна биологияҕа учуутала Алена Вячеславовна Быстрова, археология хайысхатыгар Бөтүҥ орто оскуолатын историяҕа уонна обществознаниеҕа учуутала Егор Трофимович Никифоров уонна агро туризмҥа Андрей Кириллович Кузнецов кытыннылар.
Кинилэр оҕолор үлэлэрин иһиттилэр-көрдүлэр, боппуруостары биэрдилэр. Салайааччылар дакылааты научнай ирдэбиллэрин тутуһан суруйалларыгар элбэх сүбэни-аманы биэрдилэр. Кыттааччылар үлэлэрин ситиһэн астыннылар. Бастакы сессияҕа уопсайа 41 оҕо кыттыыны ылла. Кинилэртэн 26 оҕо кэлэн миэстэтигэр, атыттар кэтэхтэн көмүскээтилэр.
Ол курдук археологияҕа Бөтүҥ оскуолатын 7 кылаас үөрэнээччитэ Ариан Татаринов, Чакыр оскуолатын 6 кылаас үөрэнээччитэ Айуол Новиков, Сэргэ-Бэс оскуолатын 7 кылаас үөрэнээччитэ Нонна Софронеева уонна 6 кылаас үөрэнээччитэ Раиса Фомина, естественнай-географическай хайысхаҕа Амма1№-дээх оскуолатын 7 кылааһын үөрэнээччитэ Милена Сидорова, Амма лиссиэйин 6 кылааһын үөрэнээччитэ Уруйдаан Платонов, Бөтүҥ оскуолатын 7 кылааһын үөрэнээччилэрэ Катя Дьячковская, Диана Павлова, Кира Эверстова, 6 кылаас үөрэнээччитэ Айыллаан Лазарев, Чакыр оскуолатын 8 кылааһын үөрэнээччитэ Матвей Шадрин, Амма 2№-дээх оскуолатын үөрэнээччитэ Соня Решетникова, Амма лиссийэин 4 кылааһын үөрэнээччитэ Айта Лобанова, кыраайы үөрэтиигэ Амма лиссиэйин 7 кылааһын үөрэнээччитэ Алик Степанов, 6 кылаас үөрэнээччитэ Уйгулаан Платонов, Бөтүҥ оскуолатын 6 кылааһын үөрэнээччитэ Аман Слепцов, Сулҕаччы оскуолатын 8 кылааһын үөрэнээччитэ Яна Ефремова, Бөтүҥ оскуолатын 8 кылааһын үөрэнээччилэрэ Сайнаара Яковлева, Нарыйа Иванова, тыа хаһаайыстыбатыгар Бөтүҥ оскуолатын 8 кылаас үөрэнээччилэрэ Харысхан Неустроев уонна Сандал Слободчиков кытыннылар. Түмүккэ, дакылаат көмүскээһинин кэнниттэн салайааччылар оҕолор зачетнай киниискэлэригэр үөрэхтэрин этэҥҥэ туттарбыттарын туһунан бэлиэтээтилэр.
Виолетта ИВАНОВА, Сайнаара СЕРГЕЕВА, Юрьяна ГУРЬЕВА, “Сайдам” медиа киин чилиэннэрэ, 8 кылаас үөрэнээччилэрэ