Амма нэһилиэгин биир бастыҥ үлэлээх түөлбэтин олохтоохторо ыам ыйын 2 күнүгэр ырааһырдыы үлэтигэр ылыстылар. Сыллата хомуллуу барар буолан, уулусса ырааһыран иһэриттэн олохтоохтор үөрэллэр. Ол эрээри ааһан иһээччилэр син биир киртитэн. бөхтөрүн быраҕан бараллара хомолтолоох.
Ырааһырдыы үлэтигэр «Муона» түөлбэ олохтоохторо ыам ыйын саҥатыгар куруутун тахсаллар. Киэҥ нэлэмэн территорияларын муоналар сыллата ыраастыыр буолан, биллэ ырааһырда диэн этэллэр. Урукку сылларга бөх олус элбэх эбит буоллаҕына, сылтан сыл ырааһыран иһэр.
Дьэ ол да буоллар, бөхтөрүн мээнэ быраҕар дьон син биир бааллар. Маны сэргэ бу территорияҕа баар чааһынай тэрилтэлээх дьон олбуордарын иһин хомумматтара сөхтөрөр. Хомуллубут бөх биир сиргэ чөкөтүллэн сыбаалкаҕа тиэйиллиннэ.
«Амма олоҕо» хаһыат