Амма улууһун төрүттээбит бастакы кулуба Афанасий Петрович Рязанскай аатынан Соморсун орто оскуолатын үөрэнээччилэригэр уопсастыбаннай территорияны талыы федеральнай бырагырааматыгар куоластааһын туһунан аналлаах үөрэх ыытылынна.
Бүгүн, ыам ыйын 18 күнүгэр, Соморсун нэһилиэгин волонтерскай корпуһун салайааччыта Матрена Баянакова, оскуола оҕолоругар «Тупсаҕай куорат эйгэтин тэрийии» федеральнай бырагыраама уонна «Олох инфракструктурата» национальнай бырайыак чэртитинэн ыытыллар, уопсастыбаннай территорияны талыы куоластааһыныгар киирбит Соморсун нэһилиэгин икки бырайыактарын билиһиннэрдэ.
Волонтер уопсастыбаннай үлэтин кэпсээн, бэйэтин волонтерскай корпуһугар оҕолору киллэртээтэ. Ол курдук 10 кылаас үөрэнээччилэрэ Милена Дорофеева, Даайа Давыдова, Аяр Емельянов волонтер үтүө хамсааһыныгар кыттыстылар. Оҕолор бырайыактары сэҥээрэн иһиттилэр, бэйэлэрин боппуруостарын биэрэн кэпсэтиигэ көхтөөхтүк кытыннылар. Сөбүлээбит бырайыактарыгар бэйэлэрин куоластарын биэрдилэр. Кэнчээри ыччапппыт нэһилиэк инники сайдыытыгар бэйэтин кылаатын киллэрсэн, салгыы олохпутун салайсан, айан-тутан иһэригэр бигэ эрэллээхпит.
Надежда БЕЛОЛЮБСКАЯ