Бүгүн Өрөспүүбүлүкэ күнүгэр үгэс буолбут Ил Дархан быһа эпиирэ үгүс дьон болҕомтотун тардар. Олохтоохтор маннык быһа эпииргэ бэйэлэрин долгутар боппуруостары биэрэллэр. Бу боппуруостар ортолоругар биир саамай элбэхтик бэриллэр боппуруос суол туруктарыгар, оҥоһууларыгар киирэр.
Бу да сырыыга Тааттаттан федеральнай суол уһун ардахтар кэннилэриттэн алдьанарын, айанныырга кыһалҕалары үөскэтэрин туһунан ыйыттылар. Маныаха Айсен Сергеевич бэйэтин эппиэтигэр “Амма” суол оҥоһуутун эмиэ таарыйда. Ол курдук кини “Амма” айан суолун салгыы асфаллааһын ыытылларын, быйыл 10 уонна 15 км усталаах суол асфалланыа диэн эттэ. Ыарахан уйуктаах техникалар сүрүн таһаҕаһы сэтинньи ыйга тиэйиэхтэрин, манна хонтуруол баар буолуо диэтэ.
“Амма олоҕо” хаһыат