Амма Наахара нэһилиэгин Үлэ Дьоруойа П.И.Яковлев аатынан орто оскуолатын түмэлигэр бэлиэ үлэ күнэ тэрилиннэ.
“Нэһилиэкпитигэр «Раритеты Якутии» бырайыак чэрчитинэн музейнай экспонаттары үйэтитэр сыаллаах художественнай музей дириэктэрэ Ася Львовна Габышева салайааччылаах экспедиция хамаандата кэлэн күнү толору үлэлээн, 30-ча экспонаты сурукка тиһэн, хаартыскалаан бардылар. Нэһилиэк бары олохтоохторо историяҕа интэриэстээх, историяларыгар харыстабыллаахтык сыһыаннаһар маладьыас дьон эбит диэн хайҕаатылар, астыннылар. Нэһилиэк уонна оскуола дьаһалтатын аатыттан Полина Петровна Кононоваҕа, Марианна Никаноровна Чеҥҥэ, Галина Ефремовна Григорьеваҕа, Сардаана Константиновна Лебедеваҕа, Александр Лебедевка күүс-көмө, өйөбүл буолбуттарыгар, Людмила Никаноровна Ксенофонтоваҕа, Мария Александровна Яковлеваҕа, Валентина Гаврильевна Николаеваҕа, Наталья Егоровна Трофимоваҕа экспонаттарбытын толорон — ситэрэн биэрбиккитигэр, бу үлэ түмүгүнэн нэһилиэкпит аата улахан бырайыакка киирэригэр үлэлэспиккитигэр барҕа махталбытын тириэрдэбит. Өрүү маннык көхтөөх буолуоҕуҥ!» — диэн Үлэ Дьоруойа П.И.Яковлев аатынан түмэл салайааччыта Наталья Николаевна Ефремова үлэ үөрүүтүн үллэстэр.
Ирина Корякина-Олесова