Күһүҥҥү күннээх күнү баттаһа эмистэр нэһилиэктэрин тулатын ыраастааһыҥҥа түөлбэнэн субуотунньукка көхтөөхтүк кытыннылар.
Өрөспүүбүлүкэҕэ биллэриллибит Үлэ сылыгар ыытыллар субуотунньукка түөлбэлэр бары таҕыстылар. Субуотунньук кэмигэр нэһилиэк аттынааҕы тыа саҕатыгар сытар бөхтөрү, мутуктары хомуйан биир сиргэ чөмөхтөөтүлэр. Маннык хабааннаах үлэни түөлбэлэр былырыын эмиэ ыыппыттара. Аны хомуллубут бөҕү уматар сорук турар. Олохтоох дьаһалта субуотунньугу түөлбэлэр икки ардыларыгар күрэх быһыытынан тэрийдэ. Күүстээх үлэ кэнниттэн кыайыылаахтар быһаарыллыннылар. Кыайыылаах түөлбэҕэ шлифовальнай массыына, иккис миэстэҕэ лобзик, үһүс миэстэни ылбыкка пластиковай турбалары сваркалыыр аппарат туттарыллыаҕа.
Прасковья БУБЯКИНА