Амма Наахара орто оскуолатыгар Россияҕа Аҕа дойдуну көмүскээччилэр, өрөспүүбүлүкэҕэ Ийэ дойдуну көмүскээччилэр сылларын арыйдыбыт.
Нэдиэлэ устата араас тэрээһиннэр аастылар. “Застывшая история” уруһуй күрэҕэ ыытылынна, Ленинград куораты фашистскай блокадаттан бүтүннүү босхолооһун күнүгэр уонна Сталинград кыргыһыытыгар аналлаах музей үлэлээтэ, Аҕа дойду Улуу сэриитигэр аналлаах хоһоон ааҕааччылар аудио-куонкурустара, музейнай уруоктар, “Ночь в блиндаже” патриотическай квест оонньуу, Арассыыйаҕа Аҕа дойдуну көмүскээччи сылын үөрүүлээх аһыллыыта бэрт сэргэхтик буолла. Оҕолор элбэҕи биллибит-көрдүбүт. Миэстэлэспит оҕолор бэлэх тутан үөрдүлэр-көттүлэр.
Өссө да Кыайыы 80 сылыгар аналлаах араас элбэх тэрээһиннэри, күрэхтэри оскуолабыт иһинэн ыытарга бэлэмнэнэбит. Олортон биирдэстэринэн биһиги, эдэр кэрэспэндьиэннэр, тэрээһиннэринэн «Өлбөт өрөгөй» акция ыытыллыа.
Алгыстаана Михайлова VII кылаас, «Аартык» медиакиин, Амма-Наахара.