Улуус баҺылыга Степан Кузьмин уонна тыа хаҺаайыстыбатын управлениетын салайааччыта Ион Кононов Болугур, Покровка нэҺилиэктэригэр сылдьан отчуттары, бурдук ыҺааччылары кытта көрүстүлэр.
«БиҺиги Степан НиколаевыҺы кытта Чакыр, Покровка, Болугур нэҺилиэктэригэр тахса сырыттыбыт. Күн бүгүҥҥү туругунан улуус үрдүнэн 230 тонна от оттонно. Быйылгы былаан санатан эттэххэ 30653 тонна. Бу былаантан 1 бырыҺыан. Дьон уонна техника тахсыыта бу күннэргэ 15 бырыҺыан буолла. От да, бурдук да тахсыыта үчүгэй. Бурдук олох үчүгэйдик тахсан көрүөххэ астык. Покровкаҕа Игорь Петрович Петровка сырыттыбыт. Ону кытта «Амма» акционернай уопсастыбаҕа күрүө тутааччылары кытта көрүстүбүт. Чакырга «Кэскил» хаҺаайыстыба оттуур ходуҺатын көрдүбүт. Манна от ыйын саҥатыгар окко тахсыбыттара. Болугурга бааҺынаҕа сылдьан бурдук тахсыытын билистибит. Аны күҺүн ардах түспэтэҕинэ бурдук, от былаана туолуоҕа диэн эрэллээхпит»,-диэн этэр управление салайааччыта Ион Кононов.
Улуус баҺылыга Степан Кузьмин уочараттаах нэдиэлэни торумнуур былааннааҺыҥҥа билигин саамай сүрүн сорук -от хампаанньата буолар. Онон биир да күнү халтай ыыппакка бары нэҺилиэктэр оттооҺуну күүскэ ыытыахтаахтар. Эппиэттээх хампаанньаны көҕүлүүр сыаллаах баҺылык күрэхтэҺии балаҺыанньатын бигэргэттэ. Ол курдук санаттахха оттооҺуну көхтөөхтүк тэрийбит,былаанын толорбут кыайыылаах нэҺилиэк 1 мөл солк наҕараадаланыа. Иккис миэстэ 750 000 солк, үҺүс миэстэ 500 000 солк. бириэмийэлэниэхтэрэ. Күрэс икки бөлөҕүнэн тахсар.
«Амма олоҕо» хаҺыат