Балаҕан ыйын 3 күнүнээҕи субуокканан нэһилиэктэр хайдах оттоон иһэллэр. Балаҕан ыйыгар үктэнэн от хампаанньатын түмүктүүр биэтэк кэллэ, аны хомуур үлэтигэр турунабыт. Онтон күн бүгүн былаан туолуута нэһилиэктэргэ хайдаҕый?
Амма улууһун тыатын хаһаайыстыбатын управлениета нэһилиэктэртэн хомуйар субуоккатын атырдьах ыйын 3 күнүн туругунан Амма нэһилиэгэ былаанын 100,3 бырыһыан (1877 тн), Абаҕа 89,8 (3752 тн), Алтан 88,2 (1160 тн), Амма Наахара 93,9 (1450 тн), Бөтүҥ 66,7 (2058 тн), Болугур 76,5 (3660 тн), Покровка 96,7 (722 тн), Мээндиги 64,8 (496 тн), Сатаҕай 81,7 (2176 тн),Соморсун 99,5 (2825 тн), Сулҕаччы 108,6 (2384 тн), Чакыр 68,6 (1453 тн), Чапчылҕан 96,6 (876 тн) уонна Эмис 94,4 бырыһыан (1870 тн) толордулар. Хата күн-дьыл туран биэрэн, сарсыарда сииктээх туманнаах да буоллар, отчуттар тутуу былдьаһан улууспут сүрүннээн сыл тахсар отун оттоото диэн тыа хаһаайыстыбатын управлениетыгар этэллэр. Билигин саамай хаалыылаах тэрээһиннээх хаһаайыстыбалар харыларын ньыппарынан кыстыыр отторун булунууга күүскэ үлэлиэхтэрин наада.
“Амма олоҕо” хаһыат