Бүтүн Арассыыйатааҕы «Баҕа санаа харыйата» аахсыйа үгүс оҕоҕо Саҥа дьыллааҕы үөрүүнү бэлэхтээтэ. СӨ Үөрэххэ уонна наукаҕа миниистирэ Ньургууна Соколова аахсыйаҕа кыттыһан Соморсун нэһилиэгин кырачаан олохтооҕо Вася Максимовка бэйэтин бэлэҕин ыытта.
«Бу аахсыйа саҕаламмытын туһунан Дойдубут Бэрэсидьиэнэ Владимир Путин өссө ахсынньы 5 күнүгэр биллэрбитэ. Аахсыйа көмөтүнэн үгүс оҕо баҕа санааларын толорон салайааччылар, араас эйгэ үлэһиттэрэ Саргылаах Саҥа дьылы көрсө бэйэлэрин бэлэхтэрин туттараллар. Ол курдук СӨ үөрэххэ уонна наукаҕа миниистирэ Ньургууна Афанасьевна Соколова Соморсун нэһилиэгэр олорор кырачаан Вася Максимовка бэлэҕин ыытта. Бэлэҕи Афанасий Рязанскай аатынан орто оскуола дириэктэрэ Николай Николаевич Андросов туттарда.
Кини Вася төрөппүттэрин кытта көрсөн, кэпсэтэн, кэлэн иһэр Саҥа дьылынан эҕэрдэлээтэ. Айуран уонна Парасковья Максимовтар бэйэлэрин махтал тылларын эттилэр. Бу маннык «Баҕа санаа харыйата» аахсыйа өссө да үгүс оҕоҕо үөрүүнү бэлэхтии турдун. Аахсыйа бары кыттыылаахтарыгар үтүөҕүт уон төгүл улаатан тиийдин»,- диэн улуустааҕы үөрэх управлениетын сүрүн исписэлииһэ Эмма Давыдова сырдатта.
«Амма олоҕо» хаһыат