Чакыр орт о оскуолатын уолан үөрэнээччилэрэ муус ылыытын ымпгын-чымпыгын биллилэр, ойбон алларыытыгар да күрэхтэстилэр, оскуолаларын кыһын устата иһэр уунан хааччыйдылар.
Дьыл бу кэмигэр саха киһитигэр биир түбүктээх күннэр саҕаланаллар. Ол уһун кыстыгы туоруурга иһэр уугун булунуу — муус ылыыта буолар. Оскуолабыт күүстээх эр бэртэрэ уонна 6-11 кылаас уолан бэрдэ уолаттара кыһын устата үөрэх кэмигэр иһэр уубутун хааччыйдылар. Уолаттар маннык үлэҕэ тэҥҥэ сылдьыһан элбэххэ үөрэннилэр. Ол курдук муус ылыытын ньыматыгар, ойбону хайдах алларарга, муус ылыытыгар туттар тэриллэринэн туттары сатыырга улахан дьону кытта тэҥҥэ үлэлээн чугастык биллилэр.
Ону таһынан уолаттар икки ардыларыгар ойбон алларыытыгар күрэх буолла. Бу күүстээх илиини, тулууру, сатабылы эрэйэр күрэххэ кыайыылааҕынан 10 кылаас үөрэнээччитэ Эльдар Оконешников таҕыста. Иккис миэстэ эмиэ 10 кылаас үөрэнээччитэ Ринат Гаврильев уонна үһүс миэстэ 11 кылаастан Эдуард Новгородов буоллулар.
Бу маннык субуотунньуктар бары бииргэ сылдьан түмсүүлээх буоларбытыгар, үлэҕэ сыстыгас буоларбытыгар көмөлөһөллөр, ону кытта сибиэһэй салгыҥҥа сылдьан күүс-уох эбинэбит.
Чакыр орто оскуолатын «Сарыал» медиа киин юнкордара.