Амма нэһилиэгин олохтооҕо Егор Баранов Орел куоракка ыытыллыбыт Арассыыйа чемпионатыгар кыттыыны ылан ситиһии көтөллөөх кэллэ.
Саха омук сытыы хараҕынан, тобуллаҕас толкуйунан, сымса туттуутунан урукку кэмтэн билиҥҥэ диэри аатын ааттатар. Кэлиҥҥи кэмҥэ спортка ох саанан ытыы күүстээхтик киирэн үгүс оҕону, улахан дьону түмэ тарта. Ол курдук аҕыйах хонуктааҕыта Саха сириттэн 48-с охчут Орёл куоракка ыытыллыбыт ох саанан ытыыга Арассыыйа чемпионатыгар уонна Арассыыйа кубогар күрэхтэһэн кэллилэр. Сыллата төрүт ох саа күрэҕэр көрдөрүү үрдээн иһэр. Биһиги охчуттарбыт иллэрээ сыл 6 мэтээл, былырыын 13 мэтээл, бу сылга үктэнэн баран 20 мэтээли ыллылар. Амматтан бу күрэххэ кэргэннии Любовь, Егор Барановтар кытыннылар.
Егор бу күрэххэтөрүт ох саанан ытыыга икки көрүҥҥэ 2-с миэстэлэри ылары ситистэ. Бу Арассыыйа таһымнаах күрэххэ үрдүк көрдөрүү буолар. Егор Анатольевичка инникитин өссө үрдүк ситиһиилэр кэлэ турдуннар диэн бастыҥ баҕа санааны баҕарыаҕын.
Ирина КОРЯКИНА-ОЛЕСОВА