Улуу Кыайыы Знамята Соморсун дьоллоох туонатыгар

Бүгүн, тохсунньу 12 күнүгэр, Соморсуннааҕы Баһылай Харысхал аатынан норуот айымньытын дьиэтигэр, Кыайыы Знамятын  Соморсун уонна Мээндиги олохтоохторо көрүстүлэр.


Хас биирдиибит сүрэхпитигэр умнуллубаттыы сөҥпүт, фашист халабырдьыттарын кытта кырыктаах кыргыһыыны кыайбыт, улуу Кыайыы үөрүүлээх, өрөгөйдөөх бэлиэтэ буолбут Кыайыы Знамятын көрсүһүүгэ нэһилиэк олохтоохторо эдэрдиин эмэнниин саалы толору муһуннулар. Кыайыы Знамятын А.П. Рязанскай аатынан Соморсун орто оскуолатын 11 кылааһын үөрэнээччилэрэ, элбэх байыаннай оонньуулар кыайыылаахтара Семен Максимов, Ян Григорьев, Уххан Степанов үөрүүлээх чааска тутар үрдүк чиэскэ тигистилэр.

 

Салгыы эстафетаны П.И. Караканов аатынан Мээндиги орто оскуолатын Алексей Кириллин салайааччылаах эдэр Карбышевтар этэрээттэрэ туттулар. Үөрүүлээх тэрээһиҥҥэ бэйэлэрин истин эҕэрдэлэрин улуус баһылыгын социальнай боппуруостарга солбуйааччыта Нюргуяна Илларионова, улуус бэтэрээннэрин сэбиэтин бэрэссэдээтэлэ Мария Захарова, Соморсун нэһилиэгин баһылыга Алексей Кононов,  Мээндиги нэһилиэгин баһылыгын солбуйааччы Альбина  Филиппова тириэртилэр. Эдэр көлүөнэ ыччат дьон аатыттан мэктиэ тылын  А.П. Рязанскай аатынан Соморсун орто оскуолатын 10 кылаас үөрэнээччитэ, «Кустук” оҕо тэрилтэтин бэрэсидьиэнэ   Дамир Протопопов эттэ.

 

Бэлиэ күн «Сардана» вокальнай ансамбыл С. Капитонов тылларыгар, Г. Иванова мелодиятыгар «Уруй буоллун Кыайыы күнэ» ырыанан саҕаланна уонна  “Тыыннаахтар умнубат сыллара” күргүөмүнэн ырыанан түмүктэннэ.
Кыайыыбыт Знамята  сир үрдүгэо или-эйэни эргиттин, дьолу-соргуну түстээтин!

Надежда БЕЛОЛЮБСКАЯ

Читайте дальше