Күн бүгүн Амма улууһун отчуттара быстах кэлэн түһэр ардахтары аахсыбакка, уматык да күчүмэҕэйдэрэ баар буоллаллар, туох баарынан оттуу сылдьаллар. Биллэн туран ааспыт сылы кытта тэҥнээтэххэ, көрдөрүүбүт лаппа намыһах.
От ыйын 23 күнүнээҕи субуокканан улуус үрдүнэн оттооһун былаана 2,31 бырыһыан туолан иһэр. Ол курдук улуус үрдүнэн 1296 га охсуллунна, 717,1 туонна оттонно. Санатан эттэххэ, СӨ тыатын хаһаайыстыбатын министиэристибэтэ тириэрдибит былаана 31000 туонна. Тэрээһиннээх хаһаайыстыбалары ылан көрдөххө, былаан баара эрэ 0,1 бырыһыан туолбут, ол эбэтэр былааннаах 7754 туоннаттан 6,5 тонна оттонно. Бу көрдөрүү аан күнтэн уларыйа илик. Онтон бааһынай хаһаайыстыбалара былааннарын 1,1 бырыһыаҥҥа тириэртилэр, былааннаах 11853 туоннаттан 129, 6 туоннатын оттоотулар. Кэтэх хаһаайыстыбалар да көрдөрүүлэрэ сэмэй эрээри, туолуу бырыһыана кэм үрдүк. Ол курдук былааннаммыт 11393 туоннаттан 581 туонна оттонно, былаан 5,1 туолла. Билигин турар кураан күннэри былдьаһа уонна кэм сэлээркэ боппуруоһа быһаарыллан иһэр буолан, отчуттар күүстээхтик оттуур былааннаахтар. Онон кэлэр нэдиэлэҕэ күн -дьыл туран биэрдэҕинэ, көрдөрүүбүт арыый үгүөрү буолуо диэн эрэнэбит.
“Амма олоҕо” хаһыат