Атырдьах ыйын 8 күнүн туругунан улуус үрдүнэн окко былаан 32,8 бырыһыан туолан иһэр. Ааспыт сыл бу кэмигэр от былаана 59 бырыһыан туолбута.
Амма улууһун тыа хаһаайыстыбатын управлениета нэдиэлэҕэ иккитэ субуокка хомуйар. Кэлиҥҥи күннэргэ ардахтаан, онно эбии от аанньа үүммэккэ, ааспыт сылга холоотоххо, бэлэмнэниллибит от аҥаара эрэ. Ол курдук бүгүҥҥү субуокка көрдөрөрүнэн улуус үрдүнэн 12004 га сир охсуллан сытар, 9475 тонна от бэлэмнэннэ. Бу былаан 32,8 бырыһыана. Онтон былырыын 16168,5 тонна кэбиһиллэн былаан 59 бырыһыан этэ. Ордук хотуулаахтык чааһынайдар оттоон иһэллэр. Кинилэр былааннарын 40,5 бырыһыан толордулар. Бааһынай хаһаайыстыбалар 3809,4 тогннаны кэбиһэн былааннарын 34,5 бырыһыан, тэрээһиннээх хаһаайыстыбалар 1528 тонна оту туруоран былааннарын 20 бырыһыан толорон иһэллэр. Улуус үрдүнэн 35 мобильнай биригээдэ тэриллэн оттуу сылдьар. Кинилэр күүстэринэн атырдьах ыйын 8 күнүнээҕи туругунан 1444 тонна от оттонно, 1797 га сир охсуллунна. Турар кураан күннэри баттаһа отчуттар туох баар күүстэрин ууран туран оттуу, хороҕор муостаахпытын, сыспай сиэллээхпитин сыл таһаарар аһы булууга үлэлэһэ сылдьаллар.
Улууска от ыйын 29 күнүттэн оттооһуҥҥа ыксаллаах быһыы-майгы биллэриллэн турар.
“Амма олоҕо” хаһыат